Одобрувањето на преправено возило во кое дополнително се вградени фолии за затемнување на стаклата е постапка за испитување на преправено возило со која се врши мерење на пропустливоста на светлината преку стаклата на кои има вградено фолии за затемнување.
Со постапката се утврдува дали се исполнети пропишаните законски барања и дозволената затемнетост на стаклата.
Во возилата може да се вградат одобрени сигурносни стакла, дополнително затемнети, така што пропустливоста на стаклото заедно со налепната фолија да биде најмалку:
- 75% за ветробранското стакло
- 70% за предните странични стакла
Погоренаведените ограничувања не се однесуваат за тесната лента која се поставува на горниот раб на ветробранското стакло, и која е наменета за заштита од сонце. На стаклата на возилата не се поставуваат огледални фолии. Доколку стаклата на задната страна на возилата се затемнети така што пропуштаат помалку од 30% светлина, тогаш возилото треба да биде опремено со ретровизори на двете страни.
Потребни документи за отпочнување на постапка за одобрување на преправено возило со вградени фолии:
- Барање за А-тест (се пополнува во Станицата за технички преглед);
- Сообраќајна дозвола од возилото или доказ за сопственост ;
- Записник за А-тест (се изготвува од страна на контролорите во Станицата за технички преглед);
- Упатница за А-тест (Се издава од МВР до правно лице лиценцирано за вршење на А-тест);
По извршеното испитување, АМД Гевгелија издава потврда за сообразност за преправено/поправено возило и известување до МВР за внесување на преправката во сообраќајна дозвола.
