Уште една спроведена акција во рамки на Проектот Гевгелија Вело град и спортскиот настан Гевгелиски Велотлон во најава. Вчера 19.03.2023 во една позитивна и спортска атмосфера година од страна на вработените во АМД Гевгелија и носителите на проектот АМД Дичо Панов Гевгелија и ентузијасти од Гевгелија Точак Клуб беа поставени околу 100-тина патокази за велосипедската патека на дрвјата покрај самата патека. Во наредниот период ќе се постават патокази и во оние делови каде поминува патеката а нема во близина дрвја за прикачување на патоказите.
Велосипедската Off road патека која ќе можат да ја користат не само велосипедистите туку и пешаците и останатите спортисти, ќе биде рекреативна зона каде ќе се поминуваат пријатни моменти за релаксација во преубав амбиент.
Деновиве се очекува да го објавиме и денот на одржување на Гевгелискиот Велотлон, наградниот фонд за учество, анимираниот 3д спот, препреките за натпреварот и правилникот за организација и учество на натпреварот.
